तू स्वतःशी हट्ट धर हो प्रेरणेचा स्रोत तू!!!

तू स्वतःशी हट्ट धर हो प्रेरणेचा स्रोत तू |

हो स्फूर्तीदायक अन तरीही सहजसुंदर गीत तू||

तू हो उद्याचे स्वप्न अन हो या नभीचा सूर्य तू |

दे स्फूर्तीचा तू किरण दे तेजोनिधीचा स्पर्श तू ||

हो यज्ञ हो तू यत्न अन हो चंद्रशीतल आग तू |

पेटून दे तुझिया कृपेने संकटे कर भस्म तू ||

तू असावे एक तारा अढळ हो हो ध्रुव तू |

तू मोहरावे पाझरावे दे जगाला प्रीत तू ||

तव लाभले मज लाभले रे खूप आहे जीवनी |

बघ शोधूनी पाहू तरी पण काय आहे आत्मनी ||

या शोधण्याच्या अंतरंगी भेटूया विश्वामध्ये |

मग परतुया घेऊन गंध त्या कळ्यांना उमलुनी ||

दे स्वतःला एक शब्द वचन दे अन एक धर्म |

जाणूनी सांभाळ रे तू जीवनी मग तेच मर्म ||

शेवटी उरतोच राजा या मनीचा भावरंग |

निर्मळाचा तू मनाला लागू दे वेडाच छंद ||

........... लागू दे वेडाच छंद ||||